فتح احمد سيد زيزو النار في كل الاتجاهات خلال حواره عبر برنامج قهوة فايق على mbc وتحدث عن تفاصيل يعلن عنها لأول مرة عقب رحيله عن الزمالك انضمامه رسميا للأهلي.. وكل ما يلي على لسان زيزو
“في شهر يناير الماضي، اصبحت “فري” وجيرارد مدرب الاتفاق السعودي تحدث معي، وسأل صلاح عني وأشاد بمستواى، فأبلغته بترحيبي في الانضمام للاتفاق، وأبلغته أنني لو مضيت سأنضم في شهر 6، ومش هاقدر امشي إلا بعد التفاوض مع الزمالك.
عرض الاتفاق وصل لـ2 أو 2.5 مليون دولار خصوصا أني خلاص فري، وكنت في الفترة الحرة ومن حقي التوقيع.. مسؤولي الزمالك وافقوا وطلبوا وصول مفاوض من الاتفاق، والراجل جاء إلى مصر وقام بتأجيل الطيارة يومين أو تلاتة، ولا أحد من مسئولي الزمالك يريد مقابلته.
تعرضت لحملات ممنهجة وادعاءات كاذبة، والأب اللي بيسمسر في ابنه، والدي تدخل في تجديد عقدي مرتين ولم يحصل على جنيه من الزمالك مع ان اي وكيل “طالع داخل” بياخد فلوس من الزمالك. والدي لما جاء لي الريان رفض انتقالي له وطلب مني البقاء في الزمالك وصناعة تاريخ.. وأسألوا مرتضى منصور هل والدي حصل على فلوس منه رغم إنه قام بعرض اموال عليه، واسالوا حسين لبيب؟ واتضايق جدا من الموضوع دا.
والدي عنده اكثر من 60 سنة، وصورته بين الناس جيدة، وفي الأخر عايزين يطلعوه بيسمسر وبياخد عمولات، واصبح والدي “مستباح” من كل واحد.. من امتى الناس بتقول ان زيزو عايز فلوس، مع ان رفضت عرض بـ4 مليون دولار في السنة..