قرر مجلس إدارة الزمالك برئاسة الكابتن حسين لبيب حجب رقم ١٠ وعدم ارتدائه أي لاعب وذلك بعد اعتزال شيكابالا وتكريما للاعب كواحد من أساطير الزمالك وكرة القدم المصرية.
يذكر أن شيكابالا أعلن منذ قليل اعتزاله كرة القدم وذلك من خلال تصريحات تلفزيونية.
وقال شيكابالا ” ميدو جالي البيت لأنه كان فاكر إن في حد بيضغط عليا علشان أعتزل، وقالي مينفعش تعتزل دلوقتي لو مش بإرادتك، خاصة أن فى عقدى سنة لكن أنا كنت واخد قراري من زمان”.
وأضاف: “كنت ناوي أعلن الاعتزال في نهاية الموسم، لكن أجلت الإعلان عشان أسيب الفرصة لمحمد عبد الشافي يتكرم بشكل يليق بيه في نهائي كأس مصر، لأنه رفض يعمل مباراة اعتزال، وعبد الشافي من أعظم الشخصيات اللي مرت على الزمالك”.
وأوضح شيكابالا: “أنا شايف حب الناس ليا وجمهور الزمالك هيفضل يحبني بعد الاعتزال، وكان في ناس كتير طالباني أكمل سنة كمان، لكن حسيت إن ده الوقت المناسب”.
واختتم تصريحاته قائلًا: “رحلتي مع كرة القدم انتهت، وقدمت كل حاجة مع الزمالك، وكان لازم آخد القرار ده”.