كشف المخرج محمد سامي، عن تعرضه لموقف محرج في إحدى الدول الأجنبية، وذلك من خلال منشور كتبه عبر حسابه الشخصي بموقع التواصل الاجتماعي فيسبوك.
محمد سامي
وكتب محمد سامي: “كنت في الأسانسير ودخل راجل ومراته، كانو فرافيش جدا والراجل قاللي بلذاذة إن ساعتي عجباه وضحكنا واتعرفنا وقلتلهم إني مصري وإتبسطوا جدا وزودوها في الإنبساط وقالولي إنهم إنجليز أفورت زيهم وفرحت جدا”.
وأضاف: “حبيت أجامل زيادة أنا كمان وبصيت لمراته، ست جميلة وحامل بطنها قدامها متر، ابتسمتلها وسألتها إنتي حامل في ولد ولا بنت ولقيتهم فجأه سكتوا والست بصتلي بقرف وقلبت وشها وقالتلي إنها مش حامل أصلا، وهنا أنا حسيت إني نفسي الأسانسير يقع ونموت إحنا التلاتة ومعانا الطفل اللي هي مش حامل فيه”.
واختتم محمد سامي منشورا، قائلا: “أكتر موقف إتكسفت فيه فحياتي وربنا ما يحط حد في موقف شبهه، باب الاسانسير إتفتح طلعت أجري كأني حرامي موبيلات، وده يعلمني بعد كده أخرس لأني نص مشاكل حياتي سببها إبن ستين كلب لساني”.