قال الرئيس عبدالفتاح السيسي، إن هناك فرقًا كبيرًا بين كتابة توصية في الجريدة لحل مشكلة ما، والبحث عن فكرة لتنفيذها.
السيسي: ثورة التغيير ممكن تاخد البلد 50 و100 سنة ورا دون تحقيق أهدافها
وبحسب «السيسي»، خلال تناول الإفطار بمشاركة كبار المدعوين في احتفال أكاديمية الشرطة بمناسبة يوم الخريجين، اليوم الأربعاء: «فيه فرق كبير جدًا بين حضرتك تقول لي توصية تكتبها في الجرنال، وأنا أدور على فكرة تنفذ توصيتك، دي الموهبة اللي ممكن يكون ناس معاك شغالة تشاور لك على فكرة أو 2 أو 3 تحل مشكلة كبيرة جدًا».
وأضاف الرئيس السيسي: «تصور لو الخريجين بعد 10 سنوات، 10 دفعات في القضاء والخارجية والرقابة الإدارية، كلهم بمعايير واحدة، تحت المتابعة الدقيقة اللصيقة يوميًا مع المسئول عن الموضوع، أنا شايف إنها الفرصة اللي ممكن أكون فيها السبب في إصلاح مؤسسات الدولة، لكن على مدى طويل».
ونوه الرئيس، أن ثورة التغيير من الممكن أن تعود بالبلاد 100 عام للخلف، مضيفًا: «ثورة التغيير ممكن تاخد البلد 50 و100 سنة ورا دون تحقيق أهدافها، لأن صاحب الثورة مش موجود، هيعيش فترة زمنية محدودة يحقق بها فكرته».
وشدد الرئيس السيسي، على أن خطة الإصلاح التي يضعها؛ تضمن بناء شخصيات قيادية في الكليات المختلفة، وفقًا لمعايير محددة، تساهم في تطوير المؤسسات، مُعقبًا: «لو حطيتم إيدكم في إيد بعض يا مصريين، ولو كل عميد كلية ورئيس جامعة منتبه وبيفني نفسه عشان نطلع جيل قادر، أنتم هتختصروا الزمن».