02:19 م
الإثنين 29 مايو 2023
كتب-مصطفى حمزة:
إعلان الإعلامي إيهاب صالح، توقف التعاون بينه وبين المطربة شيرين عبد الوهاب، بعد ما يقرب من 3 شهور، على توليه مسئولية إدارة أعمالها، طرح السؤال عن هوية مدير أعمالها المقبل.
إيهاب، فاجأ جمهور المطربة، بعد ساعات من حفلها الذي أقيم مساء أمس في جدة، بإعلانه عبر صفحته في موقع تويتر، عن الإنفصال.
و كتب إيهاب: “جمهور شيرين العظيم، الحمد لله علي نجاح حفل جدة، كما كان متوقع و ده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الأول، وطبعا بعد كدة ليا، قررنا إن من الأفضل لينا إن نحط صداقتنا و العشرة قبل أي حاجة، و إني ابتعد عن إدارة أعمالها و ده أكيد لمصلحة الطرفين و لينا أسبابنا”.
الخبير القانوني حسام لطفي ” محامي الفنانة شيرين عبد الوهاب”، في تصريح خاص لـ”اخبار مصر”، أجاب على سؤال عن هوية مديرأعمالها المقبل، وقال ،:” لم يتم تحديد ذلك بعد”.
الإعلامي إيهاب صالح، الذي تولى إدارة أعمال الفنانة شيرين عبد الوهاب، في مارس الماضي، وأعلن انتهاء المهمة رسميا أمس الأحد 28 مايو ، وجه إليها رسالة خاصة عبر صفحته في موقع توتيتر، وكتب ،:” مبروك و شكرا يا شيري من كل قلبي، ويا رب أكون كنت على قد وعدي، وكلمتي ليكي إني دايما في ضهرك، والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الألبوم على أبواب، و متأكد إنه هينجح نجاح غير عادي. فرحان بشكل ملوش وصف بنجاحك، و رجوعك بالقوة دي، و ده اللي تعودنا عليه منك طول السنين دي،أنا كدة كدة دايما موجود زي مانتي عارفة، و ربنا يديم كل اللى بينا على خير، و أسف لو في أي لحظة كنت قصرت معاكي باي شكل”.
إيهاب، أضاف :”أحب اشكر كمان جمهورك اكيد اللي مشوفتش منه، غير كل خير و حب ، شكرا بجد من كل قلبي، و اكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو وقد إيه كان مهتم ب شيرين، و مقدر قيمتك وتقديرك بشكل يليق بيكي صوت احساس العرب، وده مش غريب عليه، ودايما في ضهر كل الفنانين العرب كدة كدة. دي شهادة حق لازم تتقال”.
واختتم،:” ربنا دايما يحبب فيكي خلقه ويبعد عنك أي شر بكل أشكاله و يكتبلك السعادة، أتمنى التوفيق لمديرين الأعمال الجايين، وأدعمهم دايما بأي شكل أكيد عشان تفضلى دايما علي القمة “.
