03:12 م
السبت 09 سبتمبر 2023
كتب- مروان الطيب:
نجاح كبير يحققه فيلم “أولاد حريم كريم” للنجم مصطفى قمر، والذي يعرض حاليًا بجميع السينمات في المحافظات.
ويلقى الفيلم استحسان من عدد كبير من الجمهور والنقاد وصناع السينما الذين أشادوا بالفيلم واعتبروه عودة قوية للسيناريست زينب عزيز والمخرج علي إدريس.
وعبر الفنان خالد سرحان، عن سعادته بردود فعل الجمهور عن فيلم “أولاد حريم كريم”.
وقال سرحان، في تصريحات خاصة لـ “اخبار مصر”: “ردود الأفعال زي الفل، وأنا بروح من سينما لسينما وبنقيس الضحك وبنشوف والضحك عالي جدًا جدًا وده المطلوب انك
تخرج بفيلم مبهج وأهم لغات السينما انك لما بتكون بتعمل فيلم كوميدي يكون أهم حاجة تطلع منه مبسوط مش شرط أنك تطلع منه واخد عظة أو عبره
فالأهم طالع مبسوط وسعيد زي المسرح بتطلع منه بتضحك”.
وتابع: “ماشوفتش في حياتي بالأفلام اللي أنا اشتغلتها كلها فيلم بيتحارب زي فيلم أولاد حريم كريم ده من البداية.. وليه الممثل ده مش موجود؟ وليه الممثلة دي مش موجودة؟.. طب مش
حضرتك تشوف الفيلم الأول وبعدين نتكلم ليه ده مش موجود وليه دي مش موجودة”.
وبشأن غياب الفنانة ياسمين عبد العزيز عن فيلم “أولاد حريم كريم”، فأوضح: “لو ياسمين عبد العزيز موجودة في الفيلم مش هيبقى فيه فيلم لأن ياسمين كانت مرات مصطفى قمر
ولو لسه عايشة الحريم مش هتعاكس مصطفى، فلازم الزوجة تبقى مش موجودة عشان الدراما تحصل.. والزوجة توفيت في الفيلم فالراجل أصبح بدون زوجة فرجعوله الحريم بتوع
زمان، وهنا بدأت الدراما فمينفعش وجود ياسمين عبد العزيز في الفيلم”.
ويعرض حاليا فيلم “أولاد حريم كريم” بالسينمات منذ أسبوع وحقق ردود فعل إيجابية وإيرادات كبيرة مذن طرحه.
فيلم “أولاد حريم كريم” بطولة مصطفى قمر، داليا البحيري، بسمة، علا غانم، خالد سرحان، عمرو عبد الجليل وبشرى، بالإضافة مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم، وتأليف زينب عزيز وإخراج علي إدريس، ومن إنتاج شركة انتلجنت (iproductions) وتوزيع خارجي روتانا.
وأقيم مؤخرا عرضان للفيلم بحضور كل أبطاله في القاهرة والإسكندرية بحضور عدد كبير من الإعلاميين والصحفيين وأيضا الجمهور الذي حرص على مشاهدة الفيلم مع نجومه.
