04:08 م
الثلاثاء 06 يونيو 2023
أعلن الفنان والملحن عمرو مصطفى عن مسابقة لنجوم الزمن الجميل عبر الذكاء الإصطناعي.
وقال خلال لقائه ببرنامج ET بالعربي: “إحنا عاملين مشروع وعايز من لبنان صوت والجزائر صوت والمغرب صوت ومن سوريا والأردن وكل الدول العربية وهيغنوا كلهم الأغاني الشرقي وأكتر صوت هينجح والناس هتستقبل بيه الميلودي اللي عاملينها نرجع بيه هويتنا .. هو ده اللي هيفوز”.
وأضاف: “ال25 سنة شغلي يسمحولي إني أجرب .. دلوقتي عشان تعملي حاجة ترتقي بالشعوب العربية بقت حاجة صعبة .. فنرجع بقى لتراثنا تاني وموسيقتنا الشرقية وتراثنا الشرقي”.
وأضاف عن أغنية أفتكرلك إيه بصوت أم كلثوم: ” أنا مستني كلام الجمهور وهاخده وأروح لأسرة أم كلثوم وأقولهم كلام الناس أهو ونشوف هنعمل إيه”.
الملحن عمرو مصطفى، قام بطرح أغنية “افتكرلك إيه”، بصوت المطربة مي فاروق، عبر قناته الرسمية على يوتيوب ومختلف منصات الاستماع في الوطن العربي، وهي أولى أغاني مشروع إحياء التراث.
وفي بيان صحفي، أكد الملحن أنه يهدف من أغنية افتكرلك إيه، لإحياء التراث والحفاظ على الهوية المصرية والعربية، كما أنه سيطرح الأغنية بصوته قريبا، ويطلب من جميع الأصوات الراقية والموهوبة غنائها لمعرفة مَن يستحق لقب ملكة الشرق، مؤكدًا على أن الفنانة مي فاروق خارج المنافسة.
اضغط هنا
