باسيل: مسؤوليّتنا نتصدّى لخطر النزوح المهدّد لوجودنا وللهجرة يلّي عم تخسّرنا شبابنا وتحوّلنا لمجتمع هرم! |
باسيل خلال عشاء زحلة:
زحلة كانت “مينا البقاع وسوريا”، يعني مركز التجارة بين بيروت والشام والموصل وبغداد. هون تأسّست اول بلدية، وهون تعمّرت اوّل سرايا، وهون انبنت اوّل سكة حديد. هيدا الماضي… امّا اليوم، بزمن التكتلات الإقتصادية العالمية وتنافس الطرقات الاستراتيجية، لازم نفكّر ونقرّر دور جديد للبنان، ويكون موقع زحلة اساسي فيه وقيمة مضافة لهيدا الدور
زحلة بمقوّماتها البشرية والجغرافية، لازم وقادرة تكون مركز استقطاب اقتصادي وتجاري وسياحي، بس هالشي ما بيتحقّق بالتمني وبالحكي الحلو بل بالشغل والتعب
انا ما بصدّق انّو في قانون ما بينفرض على الكلّ، وفي رسم وضريبة ما بينفرضوا اذا في هيبة دولة وخدمات، والـ Cellular هو البرهان؛ ليش كل الناس بتدفعه؟ لأن بينقطع الخط! عملنا مشروع لتصير الكهرباء متل الـCellular، بتنقطع اذا ما بتندفع، من خلال العدّاد الذكي Smart meter يلّي بلّشنا تركيبه وقاموا ضده من خلال حركة المياومين يلّي اخترعوها وحرّكوها ليوقّفوا المشروع لو في منطق دولة متحكّم فيهم بدل منطق المافيا والميليشياكان مشي المشروع واليوم الكهرباء بألف خير! ليش الناس بتدفع للموتور وما بتدفع لمؤسّسة كهرباء لبنان؟ نفس الشي! لأن بينقطع الاشتراك
حنا منعرف التفاوت الضريبي الموجود بالبقاع. انا كنت وزير طاقة وبعرف قدّيش زحلة ملتزمة اكثر من غيرها بدفع الكهرباء والمياه بفروقات شاسعة، بس كمان هالفروقات موجودة ضمن زحلة نفسها، ببلداتها وبأحيائها، وهيدا ظلم وحرام الظلم بحق البعض. بس بنفس الوقت، الدولة يلّي ما بتأمّن لشعبها بيئة اقتصادية سليمة وفرص عمل وخدمات فعليّة، ما فيها تفرض عليه ضريبة. ولمّا بتتأمّن الخدمة، واجب المواطن يدفع الضرايب والرسوم وواجب الدولة تنفقها بعدالة بين المناطق
ما في منطقة بترفض القانون والعدالة، ولكن في نظام مركزي فاشل ما بيعمل عدالة ولا بيفرض قانون ولا بيحقّق انماء. السلطة مع هيك منظومة نتيجتها الانهيار يلّي شفناه. الأبشع انه وقع الانهيار وصرنا ناطرين صندوق النقد تينعمل اصلاحات وما عملناها، لأن في منظومة ما بدّها لا إصلاح ولا إنماء، بدّها تترك الناس عبيد لها، وبدّها تعطّل كلّ المشاريع المنتجة…
كل يلّي ناطرين تتغيّر موازين القوى ليوصّلوا مرشّحهم بيكونوا واهمين، متل الرهان على ضربة لحزب الله او لإيران او سقوط الرئيس الأسد، او الرهان على تفاهم سوريسعودي او سعوديايراني، وبالحالتين الفريقين معتبرين غلط انهم بيفرضوا قرارهم على البقية… هوي رئيس بإجماع كلّ اللبنانيين مش مضمون نجاحه، فكيف اذا اجا غصب عن نصف اللبنانيين؟
مين بيصدّق انّو مجلس نيابي منتخب جديد ممنوع عليه، منه وفيه، يعمل اصلاحات لوقف الإنزلاق؟! مسؤوليّتنا نبني نموذج جديد بالإقتصاد والمال ونعمل لامركزية وصندوق ائتماني، واعادة هيكلة المصارف وتوزيع الخسائر والتوازن المالي، وموازنة اصلاحية، ونؤمّن استعادة اموال منهوبة ومهرّبة، ونعمل شفافية بكشف حسابات واملاك القائمين بخدمة عامة. اذا ما عملناهم ما في دولة ولا في نهوض ولا في استقرار، ولا في حدا رح يساعدنا؛ بالعكس ساعتها بيستعمرونا
مسؤوليّتنا نتصدّى لخطر النزوح المهدّد لوجودنا، وللهجرة يلّي عم تخسّرنا شبابنا وتحوّلنا لمجتمع هرم! حكومتنا لازم تحكي مع سوريا والعالم وتفرض العودة مش تستجدي مساعدات بلا طعمة. ومسؤوليّتنا نحكي عن المسؤولين السياسيين والامنيين المتقاعسين، يلّي عم يتفرّجوا على تدفّق النازحين
مسؤوليّتنا نفضح يلّي عم يتآمروا على وجودنا، من برّا ومن جوّا وما نلبس كفوف لمّا وجود وطننا بالدقّ، ونفضح يلّي عم يستعمل مصيرنا ليوصل للرئاسة، ويعطي اوراق اعتماد من هلّق بأنّو هو قادر ما يسكّر حدود ويتحجّج بمية حجة، وبالنهاية عم يسكر حدود بحرية وبيكون عم يسكت عن التوطين. مش مصدّقين انّو في لبنانيين بيعملوها؟ عملوها بمرسوم التجنيس سنة الـ 94 وعملوها بموجة النزوح بالـ 2011، وبعدهم عم يعملوها لليوم! وما منظلمهم اذا قلنا اهم متآمرين عالوطن
مسؤوليّتنا نفضح يلّي عم يتآمروا على وجودنا، من برّا ومن جوّا وما نلبس كفوف لمّا وجود وطننا بالدقّ، ونفضح يلّي عم يستعمل مصيرنا ليوصل للرئاسة، ويعطي اوراق اعتماد من هلّق بأنّو هو قادر ما يسكّر حدود ويتحجّج بمية حجة، وبالنهاية عم يسكر حدود بحرية وبيكون عم يسكت عن التوطين. مش مصدّقين انّو في لبنانيين بيعملوها؟ عملوها بمرسوم التجنيس سنة الـ 94 وعملوها بموجة النزوح بالـ 2011، وبعدهم عم يعملوها لليوم! وما منظلمهم اذا قلنا اهم متآمرين عالوطن
مسؤوليّتنا نفضح يلّي عم يتآمروا على وجودنا، من برّا ومن جوّا وما نلبس كفوف لمّا وجود وطننا بالدقّ، ونفضح يلّي عم يستعمل مصيرنا ليوصل للرئاسة، ويعطي اوراق اعتماد من هلّق بأنّو هو قادر ما يسكّر حدود ويتحجّج بمية حجة، وبالنهاية عم يسكر حدود بحرية وبيكون عم يسكت عن التوطين. مش مصدّقين انّو في لبنانيين بيعملوها؟ عملوها بمرسوم التجنيس سنة الـ 94 وعملوها بموجة النزوح بالـ 2011، وبعدهم عم يعملوها لليوم! وما منظلمهم اذا قلنا اهم متآمرين عالوطن
