لم تتمالك الفنانة بسنت شوقي دموعها أثناء حديثها عن معنى الحب الحقيقي خلال استضافتها في برنامج “أسرار النجوم” مع الإعلامية إنجي علي، على إذاعة “نجوم إف إم”، مؤكدة أن الحب ليس مجرد مشاعر بل قرار يومي يتطلب مجهودًا واستمرارًا.
وردًا على سؤال إنجي علي حول ما إذا كان الحب يتغير، قالت بسنت بتأثر واضح: “الحب بيتغير كل يوم، أوقات بتحتاج تبقي حنينة، وأوقات تانية بتحتاج تكوني أنانية… محتاجة تاخدي أو تدي، الحب قرار إنك تشوف الحاجات الكويسة في الشخص اللي بتحبه، وتفكر نفسك بيها، وتدي له أعذار عن الحاجات اللي مش عاجباك، أو تتكلم معاه، ولو فيه مشكلة نحلها ونروح لدكتور”.
وأكملت حديثها بنبرة مليئة بالمشاعر: “مش معنى كده إننا نسيب بعض.. طبيعي يكون في مشاكل. بس لما نكبر، اللي هيفضل مش الزحمة ولا الشغل، اللي هيفضل هو العشرة.. هو اللي هيدخلك الحمام ويأكلك”.
وعن سبب تأثرها وبكائها على الهواء، أوضحت: “كل مرة أتكلم عن الحب بتأثر، لأنه شيء مش سهل، ومحتاج طاقة وصبر علشان يكمل”.
محمد فراج وبسنت شوقي
يذكر أن بسنت شوقي متزوجة من الفنان محمد فراج، وقد شكّلا سويًا واحدة من أبرز الثنائيات الفنية في السنوات الأخيرة، وتحرص باستمرار على الحديث بصراحة عن التحديات التي يواجهها الأزواج في حياتهم الخاصة والمهنية.
