المحترم مش مضطر يثبت لحد أنه محترم

وجهت النجمة مي فاروق، رسالة غير مباشرة لم تكشف من المقصود بها، عبر حسابها الشخصي بموقع التواصل الاجتماعي فيسبوك.

مي فاروق

وكتبت مي فاروق: “أمي وأبويا ربوني على ان المحترم بيفضل محترم حتي في عداوته وخصومته، وقليل الاحترام حتي لو عملناله كل الحلو هيبقي عدو ليك وبيكرهك، المحترم مش مضطر يثبت لحد إنه محترم، لكن اللي مش محترم بيمشي يقول على المحترم حاجات مش فيه عشان متضايق منه وبيغل ولما هيعمل كده هيكسب تعاطف الناس فيبقي قصاد نفسه هيحس بانتصار”.

وأضافت: “اللي ما نجحش معاك بيستكتر عليك انك تنجح من غيره أو مع غيره، واللي متضايق من قوتك عشان هو ضعيف ولا حاجه، بيمشي يحاول بكل الطرق يكسر فيك عشان هو يرتاح 
واللي بيؤذيك ويضرك بيدي نفسه كل المبررات اللي تخليه مصدق انك انت اللي وحش ومؤذي ويطلع فيك اللي مش فيك”.

واستكملت مي فاروق، قائلة: “اللي متضايق من نورك بيطلع ضلمته عليك انت، فاللي مش محترم بيقول علي المحترم ان هو اللي مش محترم، والناقص والمؤذي والمُضر بيمشي يعيط ويقول على المحترم ان هو اللي مؤذي، من الآخر يعني، اعملوا اللي تعملوه كل واحد هيشوفك باللي جواه هو لو قدت له صوابعك العشره شمع، وعند الله تجتمع الخصوم، فهمتوا حاجه وللا ليه”.