توفي الفنان الشاب بهاء الخطيب، منذ قليل، بشكل مفاجىء، الأمر الذي أثار حالة من الصدمة لدى الكثيرين بالوسط الفني.
وكشف الفنان حسام داغر، تفاصيل وفاة صديقه، عبر حسابه على موقع التواصل الاجتماعي «فيس بوك»، قائلًا: «ده لسه متكلمين إنك تيجي تقعد معايا كام في إسكندرية وقولتلك هتحب قعدة بلكونتي على البحر على طول.. ورجعت أقولك خلينا في الشتا هيبقى أحلى الجو دلوقتي صيف وحر.. خلاص لا بقا في شتا ولا صيف ولا حاجة».
وأكمل: «الناس بتمشي فجأة إزاي كده لا حول ولا قوة إلا بالله.. دموعي منشفتش من يوم تيمور وقلبي لسه موجوع تقوم تمشي فجأة أنت.. يعني ايه وقع وهو بيلعب كورة مات؟ أنا عقلي هيجراله حاجة.. الثبات والعقل والصبر من عندك يا رب».
وأضاف: «بهاء الجميل المحترم الطيب أعرفه من وهو في مسرح الجامعة وقبل المعهد وبرضه كبر قدامي وكان ناجح في كل حاجة حتى مجاله وشغله الأساسي جمب التمثيل.. لو أعرف إنك هتمشي فجأة كنت قابلتك ومفضلناش نأجلها».
وأنهى منشوره: «ليه يا ربي الطيبين المحترمين بيمشوا فجأة.. لا حول ولا قوة إلا بالله.. الصبر من عندك يا رب».
ولم يحدد موعد ومكان جنازة أو عزاء بهاء الخطيب حتى الآن، ومن المقرر الإعلان عنهم بعد الانتهاء من إجراءات الوفاة والدفن.