شاركت الفنانة والإعلامية أسما شريف منير جمهورها ومتابعيها على موقع “إنستجرام” بمجموعة من الصور ومقاطع الفيديو التي ظهرت فيها بالحجاب، معلنة عن خطوة جديدة ومهمة في حياتها، حملت في طيّاتها الكثير من المعاني الروحية والقرارات الشخصية العميقة.
وعلّقت أسما على المنشور قائلة: “اكتشفت إن ساعات أكبر مكسب في حياتي بييجي من الحاجات اللي بسيبها، وأنا كنت فاكرة إني مش هقدر أعيش من غيرها”.
وأضافت: “في لحظة صدق مع نفسي، قررت خلاص.. اللي بيبعدني عن ربنا مش ليا. أنا هحاول، واحدة واحدة. يمكن تبان حاجات صغيرة زي ضوافري اللي بقالي ٩ سنين بعملهم چل وكنت بحبهم جدًا، لكن قررت أقصهم وأشيل كل حاجة. حسيت إن كل خطوة ببعد فيها عن الغلط أو الشك، بتقربني من ربنا”.
وأشارت أسما شريف منير إلى شعورها براحة نفسية متزايدة مع كل قرار تتخذه تقربًا إلى الله، مضيفة: “فهمت مع الوقت إن ربنا عمره ما بيطلب مني أسيب حاجة إلا وهو محضرلي أجمل منها”.
كما استعانت بآية قرآنية وأحد أحاديث النبي ﷺ، لتؤكد المعنى الذي أرادت نقله، فكتبت: “وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ” [الطلاق: 23]، والنبي ﷺ قال: (مفيش حد يسيب حاجة لله، إلا وربنا يبدّله بخير منها)”.
واختتمت رسالتها بقولها: “كل مرة بسيب حاجة لله، ربنا بيرجعلي أضعافها.. في راحة، في بركة، وفي حاجات عمري ما كنت أتخيل إنها هتكون ليا”.