بعد سنوات من الجدل والتكهنات التي صاحبت أغنيته الشهيرة “البخت”، والتي طُرحت عام 2022، خرج مغني الراب ويجز عن صمته ليعلّق على ارتباط الأغنية باسم الفنانة هدى المفتي، وهي الفرضية التي تبناها كثير من الجمهور منذ صدور العمل، واعتبروها رسالة عاطفية موجهة لها.
وقال ويجز في تصريحات تلفزيونية: “حاسس إن الأغنية حصل عليها موجة شائعات كبيرة، لكني قررت ما أشتبكش مع الناس خالص.. وعايز أوضح إن الأغنية مش معمولة لحد بعينه، وممكن تكون معمولة لحد تاني خالص، حد مش معروف للجمهور، ومش شرط يكون فنان أو بيغني.. الدنيا فيها أكتر من كده بكتير”.
وعن ابتعاده الملحوظ مؤخرًا عن الظهور الفني والإعلامي، أضاف ويجز: “أنا مش بحس إني ببعد عن الساحة الفنية، لكن في النهاية أنا بني آدم عادي، وبحب أعيش حياتي بشكل طبيعي.. أتمشى، أستمتع بالحاجات البسيطة، وأمارس يومي زي أي شخص، وده بيخليني أرجع للفن بطاقة حقيقية”.