باسيل من مخيم شباب التيار: وينكم لمّا التيار الوطني الحر وحده حامل حملة الحقوق والدفاع عن موقع الرئاسة |

باسيل من المخيم الشبابي لطلّاب المدارس في بشتودار البترون:

مع شباب التيار ما في مكان الا للأمل والتفكير بالجيل يللي رح يبني مستقبل لبنان

انتو جيل خلاص لبنان لأنو انتو يللي تنمروا عليكم لما حلمتوا بالتغيير ومنشوف فيكن التيار الوطني الحر يللي بدو يبني لبنان والدولة بلبنان
انتو فيكن تطلعوا بالكل وتسألوهن: وينكم لمّا التيار الوطني الحرّ لوحده عمل معركة استعادة الأموال المحوّلة للخارج ويللي انسرقت من المصارف
وينكم لمّا التيار الوطني الحر لوحده حامل معركة محاسبة رياض سلامة يللي سرق اموال اللبنانيين واثرى وسرق بيّض اموال والكل ساكتين لاان قابضين وانتو الوحيدين يللي بيحقلكن تسألوا لانو مش قابضين ولأنو التيار ما الو ثمن وما حدا بيقدر يدفع ثمنو
وينكم لمّا التيار الوطني الحر لوحده حامل معركة انهاء التدقيق الجنائي وتحرير التقرير وكلّهم ساكتين
وينكم لمّا التيار الوطني الحر وحده حامل حملة الحقوق والدفاع عن موقع الرئاسة وقت تجي حكومة تسطي على الصلاحيات والميثاق والدستور