تدوينات عدة للفنانة المصرية نهى العمروسي، تؤكد من خلالها أن المصريين القدماء ليسوا بناة الأهرامات، وأن الأهرامات ليست مقابر لملوك مصر في العصر الفرعوني، أثارت موجة من الجدل وردود الأفعال واسعة النطاق.
ونشرت العمروسي سلسلة تدوينات عبر حسابها الشخصي على موقع فيسبوك، قالت في أول واحدة منها: “بناة الأهرامات مش المصريين القدماء، أنا عارفة أنتوا هتجزوا على سنانكم مني بس مش مهم”.
وأضافت: “أنا باحثة عن الحقيقة، والحقيقة بتقول إن أجدادنا مش هم اللي بنوا الأهرامات، والأهرامات مش مقابر أصلا، دي حكاية فوق خيالكم”.
وتابعت: “بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دي، يلا اشتموني بسرعة وطلعوني جاهلة”.
العمروسي قالت في تدوينة متزامنة: “طيب ابحثوا عن الألواح السومرية وبالذات اللوح الـ 11 اللي Enki (إنكي هو أحد أهم الآلهة في الأساطير السومرية) كاتب فيه تفاصيل عن بناء الأهرامات، الألواح دي كانت مدفونة تحت الطين من آلاف السنين ولقوها في العراق”.
وأردفت: “أظن دي آثار وعلماء الآثار أثبتوا إنها أثرية مش حديثة، يعني الواد حمؤة اللي واقف على الناصية كتبها ودفسها في الطين عشان عايز يطلع ترند زي ما بتقولوا عليا بالظبط Enki.. هو بتاح”.
وفي تدوينة أخرى كشفت الفنانة المصرية عن البناة الحقيقيين للأهرامات: “إن بناة الأهرامات مش بشر أصلا، مش من الجنس البشري، وتماثيلهم العملاقة دة طولهم الأصلي مش تضخيم ليهم”، على حد قولها.
وزادت: “أنا مش هجادل حد، أنا بفجر الحقيقة في زمن كاره للحق، لناس خدت علي التغييب وبيعشقوا الكدابين وبيصنعوا أبطالا من ورق، ناس أدمنت الخديعة وبياخدوا أي معلومة متوارثة كإنها يقين لأن كدة أريح بكتير من الثقافة والمعرفة والتعب، اشتموني علي أد ما تقدروا وإالشوا كمان وكمان وجهلوني واتهموني بإن هدفي الترند لإن دة بيعكس إللي جواكم ودة وعيكم، كل إناء ينضح ما فيه”.
وختمت: “أنا إللي يفرق معايا إن فيه قلة قليلة منكم وعيهم واسع وعقولهم منورة ممكن تعمل مجهود وتبحث وتدور وتوصل للحقيقة”.
المصدر: وكالة ستيب الاخبارية
